Unser Leo is recht tüchtig von eh und jeh,

er is schon Angstellter in die BMW.

Er steht scho hoch auf da Kariereleita obn,

drum tuan eam a oli recht Lob´n.

Um an so an schen Maun is wohl an Grieß,

dessholb er a scho schwah verheirat is.

Is a recht tüchtig im trauten Heim,

drum hot da Storch bröcht, scho drei Kinderlein.

Beim Musiziern is er genau so guad,

er is erfolgreich, bei oin was a tuad.

Unser Toni spielt wia a Kaiser am Flügelhorn,

und ist bekannt für seinen wunderbaren Ton.

Er ist am Musiker mit Leib und Söö (Seele),

so an wia eam, findst net so schnö.

Wia a die ganze Familie musikalisch is,

so is a eam in d`Wieg glegt worn, gaunz gwiß.

Sein Beruf hot z´turn mit enormer Hebekroft,

den er für jeden Bedarf, an Frontlader mocht.

Wenn da Bua z´gring is und die Bäurin z´war,

Tonis Frontlader schofft des a.

Es is a Glück i sogs engs grod,

wenn ma so an Musiker wia en Toni hot.

Unser Thomas is a Postla, gschwind,

der jedn wos zum lesn bringt.

A Briaf, a kloas Packerl,

da Thomas hot oiwei wos im Sackerl.

Er is so gschwind i sog engs grod,

dass jeder auf d`Nocht scho sei Togeszeitung hot.

Er is beliebt bei Jung und Oit,

sogt a net na, waun a Stamperl Schnaps ohfoit.

Und is an Pensionisten amoi Faad,

hoit er waun´s passt, a wengerl länger staad.

Daun wird über Musi gredt gaunz gscheid,

und do vergeht im nu die Zeit.

Um eam is überoi a grieß,

weil der in sein Revier, da schenste Postla is.

Er braucht a gor net anders wern,

so wia er is – so ham man gern!

Da Jovanny hot bei uns die Gelegenheit gnutzt,

und kräftig die Gitarre zupft.

Er hot früha bei die Steyrtaler Spitzbuam g´spüt,

oba si ah jetzt bei uns recht woi füht.

Sein musikalisches Talent des sticht hervor,

im Verein spielt er Tenor.

Er is a richtiga Musimaun,

noch da dritten Hoibe, faugt a singa aun.

Um eam braucht si a neamt schern,

er singt so hoch, dass die untern nix mehr hern.

Er kennt si überall aus, net nur beim Bier,

sei Arbeitsfach is Druckerei, Popendeckl und Papier.

Und wenn er ah bei die Spietzbuam nimma spüt,

den Namen Spitzbua er nu wohl erfüht.

Unser Hermann is da wichtigste Mann,

er gibt bei jeden Stück den Grundton an.

Eam is a wirkli goar nix z´bled,

und spüt a des, wos zwischen die Noten steht.

Sogoar an Fliagnschiß er beocht,

und glei an saubern rumpla mocht.

Weit und broad a jeder den Hermann kennt,

und wer a Aushilf braucht zu eam kimmt und rennt.

D´Musi is sein Lebenselixier,

verschäht oba a nie Wein und Bier.

Er stellt bei der Strossenmeisterei sein Maun,

und füllt in da Stroß jede Luka aun.

Is a Weg a wo zum Teern,

kaun ma glei en Hermann sein Kommando hern.

Für uns is er wias tägliche Brod,

glücki is, wer so an Kameraden hot.

Unser Heli auf da Klarinett,

spielt net nur scheh, er is a nett.

Ein vorbildlicher Musikkamerad,

an dem man nichts zum Aussetzen hat.

Seim Ton ist der Spiagl seiner Seele,

es mangelt auch nicht an der Fingern schnelle.

Er spielt oft nur einen Ton,

und das Herz einer Frau verschmilzt auch schon.

Seinen Idealismus muas ma Lobn,

viele Jahre foahrt er von Wolfern nach Leonstein zum Proben.

Seine Beamtengenauigkeit gilt auch beim musiziern,

eam als Musiker hoh´n, nix bessas kann uns passiern.

Mir olle haum unsern Heli gern,

und wol´n nur sei Klarinett´n hern.